Жэл бүри Орос Уласта «10 000 шагов к жизни» гэһэн акци үнгэрдэг гээшэ. Бэеэ элүүрээр абажа ябаха зорилготой энэ хэмжээ ябуулга һаяын үдэрнүүдтэ Буряад Уласташье, Улаан-Үдэдэ «Юбилейный» гэһэн амаралгын сэсэрлигтэ үнгэрбэ.Энэ хэмжээ ябуулгада хүнүүд олоороо хабаадахаяа ерэһэн байна. Тэрэ тоодо залуушуулшье, наһатайшье зон. Улаан-Үдэдэ энэ хэмжээ ябуулга Бояновагай нэрэмжэтэ  Олониитын элүүр мэндын түб эмхидхэһэн байна.Тус хэмжээ ябуулгын зорилго хадаа хүнэй бэеын, сэдьхэлэй байдалай элүүр энхэ байлга, мүн баһа бэе махабадтаа харюусалгатай хандаса бүрилдүүлгэ болоно.