Байгша оной апрелиин 22-һоо 26 болотор, Улаан-Үдын 8-дахи һургуулиин дэргэдэ «Эрхим багша – 2024» гэһэн уласай мүрысөөн 28-дахияа үнгэрбэ. Эндэ уласай һургуулинуудай 28 эрхим багша өөрын мэдэсэ, шадабаряараа хубаалдажа, элдэб янзын шатануудые дабажа гараба. Холын Хойто-Байгалһаа мүн лэ хабаадагшад ерэнхэй.Тус хэмжээ ябуулга 3 шатаһаа бүридөө. Эндэ ниитын ажалда хабаадагшад, һурагшад, сэдхүүлшэд багшанарта асуудалнуудые табиха аргатай байгаа, тиихэдэ һүүлшын шатада 15 багша хабаадаһан байна.«Эрхим багша – 2024» гэһэн уласай мүрысөөндэ Улаан-Үдын 14-дэхи гимназиин түүхын болон обществознаниин багша Надежда Двойнишникова түрүүшын һуури эзэлжэ, 200 мянган түхэригэй үнэмшэлгэдэ хүртэбэ. Тэрэниие Озерный хадын ашагта малтамалнуудые олзоборилдог хамжаан барюулаа, Буряадай гүрэнэй ехэ һургуули мүнгэн хүрэг болон ойн баярай медаль зүүлгээ. Залиршагγй абьяас бэлигээ гарган оролдожо ябаhан хγндэтэ багшанарта сааашанхи хэрэгтэнь амжалта хγсэн, энхэ элүүр, амгалан байдалтай, зол жаргалтай, Буряад ороноо дээрэ үргэн, суурхуулан ябаг лэ гэжэ үреэе!