Оросой Онсо ушаралта байдалай яаманай Буряад Уластахи гол хүтэлбэриин дэргэдэхи түймэр саралгын харууһан мүнѳѳ жэлдэ 375 жэлэйнгээ ойн баяр тэмдэглэнэ. Энэ үдэртэ зорюулагдан, гүрэнэй эмхи Улаан-Үдын Зүблэлтын талмай дээрэ һайндэрөө үргэнөөр тэмдэглэбэ. Талмай дээрэ хотын харагшадта түймэр саралгын техникын үзэсхэлэн элбэгээр дэлгэгдэнхэй. Гэбэшье 18-дахи зуун жэлһээ мүнөө саг болотор, абарагшадай хубсаһа хунар, зэбсэгүүд хэр зэргэ хубилаа гээшэб гэжэ зон анхарха байха. Тэдэнэр һонирхоһон зондо үдэр бүриингөө ажал бодото дээрэнь харуулжа үгөө, тэрээнһээ гадна, хүгжэмэй фонтан, хѳѳһэтэ шоу, багашуулда зорюулагдаһан мүрысөөнүүд, асуудал ба харюутай нааданууд үнгэргэгдөө, һайндэрэй түгэсхэлдэ талмай дээрэхи техникэ байкернуудтай хамта хото соогуур жагсан үнгэрөө.