Ээлжээтэ хэлсээн баталагдаба. «Буряад ТВ» субаг Хурамхаанай аймагай захиргаантай болон Хурамхаанай аймагай нэмэлтэ болбосоролой түбтэй гурбан талын хамтын ажал ябуулха талаар хэлсээ баталба.Хурамхаанай аймагай нэмэлтэ болбосоролой түбэй дэргэдэ һургуулиин һурагшадай «Перспектива» гэһэн телесубаг бии. Эндэ үхибүүд аймагайнгаа түүхэ, ажабайдалда ушаржа байдаг шухала һонинуудые суглуулжа бэшээд, зураг буулгаад, сүлжээ холбоондо табидаг байна. Тэдэнэр хоёрхон жэлэй туршада яһалхан олон буулгабаринуудые хэһэн, тэдэнээ аймаг дотороошье, уласай хэмжээнэй янзын мүрысөөнүүдтэ эльгээжэ хабаададаг байна.Хурамхаанай аймагай нэмэлтэ болбосоролой түбэй «Перспектива» гэһэн һургуулиин телесубагай һонирхолтой видеобуулгабаринууд хожомоо манай «Буряад ТВ» субагта дамжуулагдадаг болохо. Тус хэлсээнэй баталагдаһанай удаа хамтын ажал бүришье ашаг үрэтэй болохо, үшөө олон түсэлнүүд, һонирхолтой дамжуулганууд бэелүүлэгдэхэ байха гэжэ найдамаар.
