Мартын 20-һоо 29 болотор, уласай 20 гаран һуралсалай эмхи зургаануудай дэбисхэртэ «Профессионалы» гэһэн мэргэжэлтэ шадабариин мүрысөөн үнгэржэ байна. Тэндэ 35 шэглэлээр оюутад болон һургуулиин һурагшад хабаадана.  Мүрысөөнэй талмайнуудай нэгэн Буряадай улас түрын багшанарай колледж болоно. Колледжын дэргэдэ 9 шэглэлээр ажал ябуулагдаа:  hургуулиин наhа гүйсөөгүйшүүлэй хүмүүжэл, эхин ангида ном, хүгжэм заалга, бэеын тамир, вожатын ажаябуулга. Хабаадагшад үгтэһэн саг соо тобшолдог мэргэжэлтэдэй урда даабаринуудаа дурадхаха ёһотой байба. «Бэеын тамир» гэһэн шэглэлдэ 16 хабаадагша байба,   тэдэнһээ 10-иинь оюутад, 6-иинь дунда һургуулиин һурагшад. Тэдэнэр багахан танилсуулга үнгэргэжэ, нэгэ- хэдэн дасхал харуулжа үгөө.Тус мүрысөөн гансашье манай хотодо бэшэ, мүн лэ  Гусиноозерск хотын, Селенгинск, Новоильинск тосхонуудай һуралсалай эмхи зургаануудта үнгэрһөөр. Бүхыдөө энэ мүрысөөндэ 263 хабаадагша, тэрэ тоодо дунда мэргэжэлэй 212 оюутан, 51 дунда һургуулиин һурагшад, 410 тобшолдог мэргэжэлтэн, тэрэ тоодо уласай эдэй түлөөлэгшэд хабаадана. Манай уласта энэ мүрысөөнэй түгэсэһэнэй һүүлдэ удаадахи шатань гүрэнэй можохоорондохи хэмжээндэ үнгэрхэ. Мүрысөөнэй 4-дэхи шата – мүрысөөнэй түгэсхэл болоно.