Улаан-Үдэ хотын hунгамалнуудай Зүблэлэй ээлжээтэ сессидэ хотын захиргаанай толгойлогшо Игорь Шутенков өөрынгөө болон хотын захиргаанай 2023 оной ажал ябуулгын дүнгүүд тухай тоособо. Эгээл түрүүлэн үнгэрһэн һунгалтын шухала байһыень тэмдэглээ. Гүрэнэй юрэнхылэгшэ манай түб хотые хүгжөөхэ түсэб дэмжээ һэн, мүнөө тэрэнь бэелүүлэгдэжэ захалаа гэжэ онсолон тэмдэглэбэ. Энэ түсэбөөр бэелүүлэгдэхэ хэмжээ ябуулгануудта 37 миллиард түхэриг һомологдоод байна.Табан жэл соо Улаан-Үдэдэ 22 сэсэрлиг, 9 һургуули, тамирай 93 байшан баригдаа. Унаа тээбэриин харгынуудай 124 хэһэг, 244 газарта байшан гэрнүүдэй газаахи талмайнууд  болбосон түхэлтэй болгогдоо. Хотын унаа тээбэринүүд, уһаар хангадаг соргонууд 43 модоной зайда шэнэлэгдээ, дулаагаар хангадаг хэрэгсэлнүүд һэльбэгдэһэн байна. Урид хараалагдаһан программануудай ехэнхинь бэелүүлэгдээ,  нэгэ зариманиинь үшөө үргэлжэлһөөр гэжэ хотын захиргаанай толгойлогшо тэмдэглээ.