Улаан-Үдэ хотодо 2 үдэрэй туршада apмиин гар тулалдаагаар Оросой чемпионат үргэн дэлисэтэйгээр үнгэрбэ. Тус мүрысөөн apмиин гар тулалдаанай 45 жэлэй, Оросой Холбоото Уласай apмиин гар тулалдаанай холбооной байгулагдаһаар, 25 жэлэй ойдо зорюулагдаа. Нэн түрүүн, нээлтын баяр ёһололдо уласай Толгойлогшо Алексей Цыденов тамиршадые, ерэһэн айлшадые амаршалгын үгэнүүдээр угтаба. Мүрысөөндэ гүрэнэй 52 можо нютагһаа 250 тамиршан ерэжэ тэмсэбэ. Тиихэдэ манай уласые 25 эрхим тамиршан түлөөлөө. Тэрэ тоодо Бато Бадархаев 60 кг шэгнүүртэ хүрэл медальда хүртэбэ. Мүн лэ манай уласай тамиршад Иван Трунцов Владислав Иванченко хоёр өөрын шэгнүүрэй хэмжээндэ мүнгэн медальнуудта хүртэбэ. Мүрысөөн үндэр хэмжээндэ үнгэрбэ гэжэ хабаадагшад, ерэһэн айлшад, харагшад тэмдэглээ. Мүрысөөнэй дүнгүүдээр 1-дэхи һуури Урда зүгэй сэрэгэй тойрог, хоёрдохи һуури Москвагай, 3-дахи һуури Үбэр-Байгалай хизаарай түлөөлэгшэд эзэлээ. Энэ мүрысөөндэ шалгарагшад Оросой суглуулагдамал командын бүридэлдэ орожо, ноябрь һарада үнгэрхэ apмиин гар тулалдаагаар дэлхэйн чемпионадта ошохо.
