Байгша ондо түрүүшынхиеэ иимэ олон хабаадагшад ерэһэн байна. Эгээ холынхид гэхэдэ, Примориин хизаарһаа ерэһэн хабаадагшад болоно.Тус хэмжээ ябуулгада элдэб гоё хатарнууд, дуунууд, шүлэгүүд , мүн лэ үхибүүдтэ зорюулагдаһан һонин шоу дурадхагдана. Энэ фестиваль мартын 24-һөө 27 болотор үргэлжэлхэ.Фестиваль-конкурсын гол зорилго хадаа эстрадын урлалай талаар харилсаа холбоонуудые хүгжөөлгэ, бэлигтэй залуушуулые элирүүлгэ, дэмжэлгэ, харин тодорхой зорилгонуудыень нэрлэбэл, эмхидхэхы, зохёохы дүй дүршэлөөрөө андалдаан, эстрадын шэнэ шэглэлнүүдые зүбшэн хэлсэлгэ, мүн баһа эстрадын залуу зүжэгшэдэй гүйсэдхэхы соёл ба шадабари дээшэлүүлгэ болоно.