Хотодомнай «Афган дайнай сэрэгшэдэй дурасхаалда» гэһэн бага хүл бүмбэгөөр 31-дахи можохоорондохи мүрысөөн үнгэрбэ. Тэрэ Орос гүрэнэй сэрэгшэдые Афганистанай газарһаа гаргаһан ушараар 35 жэлэй ойдо зорюулагдаба.Жэлһээ жэлдэ энэ мүрысөөндэ уласаймнай техникумүүдэй оюутад, хотын дунда һургуулинуудай һурагшад хабаададаг. Бүхыдөө энэ мүрысөөндэ 29 команда хабаадаа, тэндэ гансашье уласай оюутад байгаа бэшэ, Тыва болон Яхад Уласуудһаа, Эрхүү можоһоо залуушуул ерэһэн байна. Ербановай нэрэмжэтэ Буряадай аграрна колледжын оюутадай жэл бүхэндэ алдангүй  хабаададаг, шангай һууринуудые эзэлжэ байдаг тухай колледжын бэе тамирай хүмүүжэлэй хүтэлбэрилэгшэ Дамдинжап Жаргалов хөөрэжэ үгэбэ. Мүрысөөнэй нээлтэ дээрэ Буряад Уласай Засагай газарай түрүүлэгшын орлогшо, Элүүрые хамгаалгын сайд Евгения Лудупова, Тамирай болон залуушуулай бодолгын талаар сайд Иван Козырев, Болбосоролой болон эрдэм ухаанай сайд Валерий Поздняков, Арадай Хуралай һунгамал Виталий Лыгденов гэгшэд хабаадагшадта амжалта хүсэбэ.  ИЛИ ТАК ( Поприветствовали гостей участников соревнований первые лица города и республики). Энэ мүрысөөндэ анхандаа манай уласһаа гарбалтай мэдээжэ тамиршад Владимир Гранат Евгений Пономарев хоёр хабаадаһан байдаг. Тиихэдэ хүл бүмбэгөөр уласай суглуулагдамал командын гэшүүд энэл мүрысөөндэ хододоол хабаададаг байна.