«Буряад ТВ» телесубаг «Брусника» гэһэн медиатүбтэй хамта угсаатанай медиа һургуули гэһэн шэнэ түсэл дээрэ ажаллажа эхилээ гэжэ урдахи «Мүнөөдэр» гэһэн дамжуулгадаа бидэ хөөрөө һэмди. Энэ түсэлтэй танилсуулхаяа телесубагай зохёохы бүлэг Хориин аймаг хүрэжэ, Советскэ Союзай Герой Юрий Гагаринай нэрэмжэтэ Хориин 2-дохи дунда һургуулиин һурагшадтай уулзалга үнгэргөө. 
Угсаатанай медиа һургуулиин хэмжээндэ һурагшад буряад хэлэн дээрэ мэдээсэлнүүдые бэлдэжэ һураха, сэдхүүлшэн, буулгагша, хабсаргагша, смм гэхэ мэтэ мэргэжэлнүүд тухай эхин мэдэсэтэй болохо юм.Хориин 2-дохи дунда һургуулиин һурагшад анхаралтайгаар мэдээсэл шагнажа, һонирхоһон асуудалнуудаа «Буряад ТВ» субагай ажалшадай урда  табиһан байна. Бүхыдөө энэ уулзалгада 70-аад шахуу һурагшад хабаадаа.Угсаатанай медиа һургуулида бүхыдөө уласаймнай һургуулинуудһаа болон дунда мэргэжэлэй һуралсалай эмхинүүдһээ 15 хүн һуража гараха аргатай байха. Энэ түсэл «Движение первых» гэһэн грантын дэмжэлгээр бэелүүлэгдэнэ.