Апрелиин 25-һаа 27 болотор, Хурамхаанай аймагта һургуулиин наһа гүйсөөгүйшүүлэй эмхи зургаануудта хэлэнэй оршон хүгжөөлгэдэ зорюулагдаһан ехэ удха шанартай семинар үнгэрбэ. «Һургуулиин урда тээхи болбосоролой Холбооной болбосоролой программа бэелүүлгын эрхэ байдалда нэгэ/олон хэлэ мэдэдэг хүүгэдэй хэлэ хүгжөөлгын оршон» гэһэн хэмжээ ябуулгада элдэб можо нютагуудай гол мэргэжэлтэд, болбосоролой һалбариин хүдэлмэрилэгшэд суглараа.Семинарта хабаадагшад һургуулиин урда тээхи эмхи зургаануудта хэлэ хүгжөөлгын оршон байгуулгада туһатай түрүү онол аргануудтай, дүй дүршэлтэй танилсаа. Тус хэмжээ ябуулгын хэмжээндэ Хурамхаанай аймагаар һонирхолтой экскурсинууд эмхидхэгдэбэ, эндэхи хүүгэдэй сэсэрлигүүдтэ һонин дүй дүршэл харуулһан хэшээлнүүд үнгэргэгдэбэ. Һургуулиин урда тээхи болбосоролой эмхи зургаануудта буряад хэлэндэ һуралгые хүгжөөхэ оршон гэһэн туршалгын түсэл бэелүүлхэ дүй дүршэлнүүдтэ онсо анхарал хандуулагдаа. Энэ семинарай һүүлээр эмхидхэгдэһэн дүхэриг шэрээдэ хабаадагшад дүй дүршэлөөрөө хубаалдаа, мүн лэ багашуулые буряад хэлэндэ һургаха, буряад хэлыень хүгжөөхэ шэнэ онол арганууд хэлсэгдээ. Тус семинар хадаа багшанарай болбосоролой шанар һайжаруулха ба саг үргэлжэ хүгжөөхэ, һургуулиин урдахи болбосоролой эмхи зургаануудта соёлой уг баялиг ба хэлэнэй олон янза байлгые үлээн сахиха эрмэлзэлтэй байһые харуулаа.
