Улаан-Үдэдэ тамирай зүйлнүүдээр тулалдаануудай ба дайшалхы арга шадабаринуудай фестиваль гурбадахияа үнгэргэгдэхэнь. Тус хэмжээ ябуулга «Мы в команде Президента» гэһэн нэрэтэйгээр үнгэрхэ, энэ болбол сэрэгэй тусхай ябуулгын баатарнуудта зорюулагдана. Жэшээтэ тулалдаанууд, шанга мүрысөөнүүд, уулзалганууд, буряад соёлой гоё һайхан заршамуудтай харагшад танилсаха байна. Энэ үйлэ хэрэг нэгэ доро хэдэн талмай дээрэ үнгэрхэ.   Тэндэ боксёрнууд, тайбоксёрнууд, барилдаашад, самбистнууд, каратистнууд, сэрэгэй гар тулалдаашад болон Буряад орондо дэлгэрэнги тулалдаануудай бэшэшье янзын түлөөлэгшэд мүрысэхэ. Буряад Уласһаа фестивальда уласаймнай мэдээжэ тамиршад хабаадаха юм.Тус фестиваль мартын 9-дэ Бэеын болбосоролой-тамирай байшанда үдэрэй 3 сагһаа эхилхэ. Биледэй сэн 100 түхэригтэ, тэрээндэ сугларһан мүнгэн сэрэгэй тусхай ябуулгада хабаадажа байһан сэрэгшэдтэ туһа болон эльгээгдэхэ байна. Нээлтын баяр ёһололдо сэрэгэй тусхай ябуулгада хабаадажа байһан сэрэгшэд уригданхай. Фестивалиин урда үдэртэ «Форум» түбтэ үдэшын 6 сагта фанадуут тамиршадтай уулзаха аргатай байха.