Февралиин 17-до Оросой студотрядуудай үдэр гэжэ тоологдодог. Тиин «Патриот» түбтэ энэ үдэртэ зорюулагдаһан спартакиада эхилбэ.
Байгша оной мүрысѳѳн Орос Уласай студотрядуудай хүдэлѳѳнэй 65, «Оросой оюутадай отрядууд» гэһэн эмхи зургаанай 20 жэлнүүдэй ойн баярта дашарамдуулагдана. Мүн тиихэдэ эрэлхэг зоригтойгоор Эхэ ороноо харата дайсанһаа аршалһан, арад зонойнгоо ами наһа абарһан сэрэгшэдэй дурасхаалда зорюулагдаа. Баатар хүбүүн бүхэн оюутан наһандаа баһал оюутадай отрядта ехэл эдэбхитэйгээр хабаададаг байһан. Тэдэнэй аша габьяань хэзээдэшье мартагдахагүй.
Жэл бүри улас дотор оюутадай отрядуудай хабаадалгатайгаар элдэб хэмжээ ябуулганууд үнгэргэгдэжэ байдаг. Иимэ шухала хэрэгтэ хабаадажа байхадаа, тэдэнэр үнэн сэдьхэлһээ өөрынгөө хубитые оруулжа шададаг, ехэхэн ажал ябуулалсадаг байна.
