Хотымнай «Патриот» түбтэ сүлөөтэ барилдаагаар Алас Дурнын тойрогой түрүү һуури эзэлэлгын мүрысөөн үргэн дэлисэтэйгээр үнгэрбэ. Тус мүрысөөндэ 21 наһа хүрэтэр эдир басагад болон хүбүүд хабаадаа. Эдир басагадай тоодо Ахын аймагһаа гарбалтай Алима Гергенова 50 килограммай шэгнүүртэ алтан медальда хүртэһэнөө хубаалдаба.
Мүрысөөндэ 8 можо нютагһаа 150 гаран тамиршад ерэһэн байна: Амарай, Сахалинай, Еврейн бэеэ дааһан можонуудһаа, Үбэр-Байгалай, Примориин, Хабаровска хизаарнуудһаа, Саха болон Буряад Уласуудһаа.
Мүрысөөнэй дүнгүүдээр, уласһаамнай 4 тамирша хүбүүд, 7 басагад түрүү һууринуудые өөр өөрын шэгнүүртэ эзэлээ. Эдэнэр болон түрүүшын 3 һуури эзэлһэн тамиршадые апрель һарын эхиндэ Грозный хотодо Россиин түрүү һуури эзэлэлгын мүрысөөн хүлеэжэ байна, тиихэдэ нютагаймнай тамиршад үшөө олон алтан медальнуудтай болохол байха гэжэ найданабди.
Ещё больше интересного контента на бурятском языке в нашем Telegram-канале. Подписывайтесь на нас в ВК, Одноклассниках. Следуйте за нами в Дзен!
