Багшанарай колледждэ һуралсалаа түгэсхэжэ байһан оюутад ерээдүйн ажалаар хангаха захиралнуудтай уулзаба, танилсаба. Заншалта болоһон энэ уулзалгада залуу багшанар, хүмүүжүүлэгшэдээр дуталдаһан сэсэрлигүүд болон һургуулинуудһаа түлөөлэгшэд ерэжэ, өөһэдтөө тааруу мэргэжэлтэниие шэлэн абадаг гээшэ. Мүнөө жэлэй суглаанда аяар 150 һуралсалай эмхи зургаан хабаадаа.  Иишэ гансашье һургуули, сэсэрлигүүдһээ бэшэ, харин дунда мэргэжэлэй һургуулинуудһаа оюутадта зааха залуу багшанарые уриха һанаатай ерэһэн байна. Эндэ дүрбэдэхи курсын оюутад өөһэдынгөө дадал шадабари, абьяас бэлигээ харуулаа, һургуулинуудай ноёдоор дүтөөр харилсажа, һониноороо хубалдаһан байна.  2024 оной сентябриин 1-дэ уласаймнай һургуулинуудта 583 шэнэ багша хэрэгтэй болохоор хараалагдана. Тэдэнэй ехэнхиниинь эхин классуудай багшанар. Мүнөө колледж дүүргэжэ байһан 295 оюутан ажалаар хангагдажа, буянта багшын замаар алхалха  болоно гэжэ хэлэлтэй.