Энэ ʏдэрнʏʏдтэ «Буряад ТВ» телесубагай зохёохы бүлэг Мухар-Шэбэрэй аймагта ажалаа ябуулба. Албанай хэрэгээр ябалгын зорилгонуудай нэгэн хадаа ургажа ябаһан ёһотой буряад сэдьхэлтэй ʏхибʏʏдтэй танилсалга болоо. Сарюна басаган Хʏсɵɵтын дунда һургуулида 4-дэхи ангида һурана. Хɵɵрхэн буряад шарайтайхан хʏʏхэн тʏрэл хэлэнэйнгээ хэшээлдэ багшаяа анхаралтайгаар шагнажа, даабаринуудыень хʏсэд дʏʏрэн дʏʏргэхэеэ оролдодог. «Буряад хэлэнэй хэшээл– минии эгээ дуратай хэшээл»,–  гэжэ Сарюна хубаалдаа.Һурагшадай анхарал татаха, хэшээлнүүдтэнь һонирхол тʏрʏʏлхэ гээшэ тиимэшье хʏнгэн ажал бэшэ. Υхибʏʏнэй хэшээлдээ дуратайгаар ерэлгэ багшын аша габьяа болоно ха юм. Энэ һургуулиин багшанар хэшээл бʏхэндөө элдэб шэнэ онол аргануудые хэрэглэдэг байна.Эндэ һурагшад 1-дэхи ангиһаа 9-дэхи болотор, буряад хэлэеэ шудална. Мүнѳѳ дээрээ Хʏсɵɵтын дунда һургуули гүрэнэй элдэб түсэлнүүдтэ хабаадажа, ехэ хүгжэжэ байнхай. Энэ һургуулиин ʏхибʏʏд үсөөхэншье һаа, өөһэд соогоо тон эбтэйнүүд. Тэдэнэр олон тоото мүрысөөнүүдтэ хабаадажа, нэгэнтэ бэшэ илагшад боложо тодордог заншалтай. Тʏрэл хэлэндээ дуратай, ёһотой буряад сэдьхэлтэй ʏхибʏʏдые хʏмʏʏжʏʏлхэ талаар хʏдɵɵгэй һургуулинуудай багшанарай горитой ажал ябуулжа байхада, омогорхомоор байдаг гээшэ.