Энэ үдэрнүүдтэ Буряад орон дотор үни хүлеэгдэһэн баярта ушар болобо. Медведчиково һууринда тоһото ургамалнуудые буйлуулдаг завод нээгдээ. Завод хүршэ нютаг можонуудһаа түүхэй эд эдэбхитэйгээр худалдан абажа эхилэнхэй, Буряадай хүдөө ажахын ургамал ургуулагшадһаа 2024 оной ургаса абахаар бэлэн. Мухар-Шэбэрэй, Бэшүүрэй болон Тарбагатайн үргэн талаар Уласай 4 аймагай 8 ажахы мүнөө жэл рапс болон лён тарихаар түсэблэнхэй. Тэндэ сүүдхын 100 тонно хүрэтэр түүхэй эд үйлэдбэрилэгдэхэ юм. Завод барилгын түрүүшын ээлжээндэ 200 сая түхэриг хүрэнгэжүүлэгдээ, гадна хүдэлмэрилэгшэдэй 30 шэнэ һуури байгуулагдаа.Эмхидхэлгын бүхы асуудалнуудай шиидхэгдэһэнэй удаа бүйлуулһан эд хари гүрэнүүд руу эльгээгдэжэ эхилхэ. Нэн түрүүн, Хитад руу, юуб гэхэдэ, тэндэ рапса болон лён ургамалнуудай тоһон үргэнөөр хэрэглэгдэдэг. 2025 оной дүүрэтэр, сүүдхын 300 тонно түүхэй эд үйлэдбэрилхэ заводой 2-дохи ээлжээ хагсаржа бэелүүлхээр хараалагдана. Тиигэжэ дүн хамта 888 сая түхэриг  хүрэнгэжүүлгэдэ оруулагдаха.