Һээр хухалхын түлөө ганса хүсэ шадал бэшэ,   дүй дүршэл,  оншо,  зориг  хэрэгтэй. Томо бүһэтэйшүүлтэй   эгээл залуу хабаадагша - һургуулиин һурагша Дэлгэр Батуев  ана мана тэмсээ гээшэ. Тэрэ  Базар ахайгаа дахажа,  һээр шаажа һураһан байна.Оронго нютагай эдэбхитэйшүүл һээр шаалганай мүрысөө  түрүүшынхиеэ эмхидхэжэ үнгэргэбэ. Адуу үсхэбэрилдэг «Икигай» гэһэн түбэй һоригшо Нима Батуев энэ мүрысөө дэмжээ, тэрэнэй  шабинарынь хабаадажа, булта һайн дүнгүүдые харуулаба. Тиигэжэ мүрысөөндэ арба наһатай эдиршүүлһээ эхилээд, бэеэ хүсэһэн бүһэтэйшүүл хүрэтэр хабаадаа.Мүрысөө эмхидхэлгэдэ нютагай ажаһуугшад эдэбхитэйгээр мүнгэ суглуулжа, өөрынгөө хубита оруулһан байна. Наһатайһаа дээшэ хабаадагшадай дунда Вячеслав Замбалаев илажа гараа. 12 наһатайһаа 18 хүрэтэр хабаадагшадай хоорондо Вадим Шагдуров түрүүшын һуури эзэлээ. Илагшад болон түрүү һууринуудые эзэлэгшэдтэ мүнгэн шангууд барюулагдаа. 15 мянган түхэригөөр Монголдо һээрнүүдые худалдан абажа, асаруулаабди гэжэ мүрысөө эмхидхэгшэд мэдээсэбэ. Ябан ошон, һээр шаалганай мүрысөө заншалта болгохо гэһэн дурадхал нютагайхид оруулба.