Улаан-Үдэ хотын агаарай онгосонуудай буудалда долоон хоног бүхэндэ сэрэгэй тусхай ябуулгада хабаадаhан хүбүүдые угтажал байдаг. Мүнөө Оросой Герой гэһэн үндэр нэрэ зэргэдэ хүртэhэн, 37-дохи мотострелково бригадын командир Юрий Жулановые угтаба. Өөрөө Юрий Жуланов Алтайн хизарhаа, харин энэ зундаа Примориһоо Буряад Уласай Хяагтын сэрэгэй газарта асарагдаһан байгаа.
Хоёр дахин шархатабашье, Юрий Жуланов байhан газараа орхингүй, шархатаһан сэрэгшэдээ гаргажа, байлдаанай дууhатар ударидажа гараhан байна. «Сэрэгэй сэтгүүлшэдэй хэлэhээр, Юрий Жулановай хэhэн баатаршалга Агууехэ дайнай үедэ болоhон Панфиловецуудай баатаршалгатай адли. Үнэхөөрөөшье тиимэ»,– гэжэ Буряад Уласай Засагай газарай Түрүүлэгшын аюулгүй байдалай талаар орлогшо Петр Мордовской тэмдэглэнэ.
