Хориин 1-дэхи дунда һургуулин тайзан дээрэ Буряадаймнай мэдээжэ шүлэгшэдэй зохёолнууд уран гоёор зэдэлбэ. Уншагшадай мүрысөөн Оросой габьяата зүжэгшэн Дарима Сангажаповагай 80 жэлэй ойн баярта зорюулагдан эмхидхэгдэбэ.

Мүрысѳѳндэ аймагай бүхы һургуулинуудай һурагшад бүхыдѳѳ 40 гаран үхибүүд ород, буряад хэлэнүүд дээрэ уран гоёор шүлэгүүдые уншаа.

Иимэ мүрысөөнүүд ургажа ябаһан үхибүүдэй мэдэсые үргэдхэнэ, тоонто нютаг, гэртэхиндэ нимгэн сэдьхэл түрүүлнэ, арадайнгаа ёһо заншал мэдэжэ, буряад хэлэеэ үргэжэ, дэмжэжэ ябахые уряална.