Мартын 17-до үдэшын 8 сагта Оросой Холбоото Уласай Юрэнхылэгшые һунгалта боложо дүүрэбэ. Гаргаһан дүнгүүдээр, энэ үдэрнүүдтэ бүхыдөө Буряад Уласай 496 100 һунгагшад дуугаа үгэбэ, энэнь зуунай 74 шахуу хуби болоно.  
Бүхыдѳѳ 823 һунгалиин газар хүдэлөө, тэрэнэй  310-һаань сэхэ дамжуулга хэгдэһэн байна. Тэрээнһээ гадуур, халуун утаһан, бэеэ даанги олониитын адаглалгын системэ болон медиацентр ажаллаа. Зарим зондо hунгуулиин комиссиин гэшүүд гэртэнь ерэжэ һунгуулһан байна. Һунгалта эбдэлгэгүй, амгалан, журамтай үнгэрѳѳ гэжэ тэмдэглэмээр. Гурбан үдэр соо һунгагшад ехэ эдэбхитэйгээр дуугаа үгэжэ, эрхэтэнэйнгээ уялга дүүргэбэ. Үндэһэн буряад хубсаһаяашье үмдэһэнүүд гэр бүлѳѳрѳѳ, хүршэнэрөөрөө, суг ажалладаг нүхэдтэеэшье хабаадахаяа ерэһэн байнад. Үнэхѳѳрѳѳшье, бултанда һайндэрэй үдэрнүүдэй үнгэрһэн мэтэ һанагдаба.