Мартын 15-һаа гүрэндэмнай Оросой Холбоото Уласай Юрэнхылэгшые һунгалта эхилбэ. Гүрэнэй Юрэнхылэгшэ 6 жэлээр һунгагдаха, тэрэнь 2030 оной майн 7 болотор юм гэжэ һануулая. Уласай Толгойлогшо Алексей Цыденов наһанайнгаа нүхэртэй үглѳѳнһѳѳ Дээдэ Онгостойн 723-дахи һунгуулиин газарта ерэжэ, дуугаа үгэһэн байна. Энэ ʏдэрнʏʏдтэ уласай һунгуулиин газарнуудта соёлой болон болбосоролой эмхинүүд элдэб программануудаа дурадхаха байна. Бүхыдѳѳ уласай дэбисхэртэ 810 һунгуулиин газарнуудта ажал эхилэнхэй. Һунгагша бүхэн ехэ эдэбхитэйгээр дуугаа үгэхэеэ ерэжэ, эрхэтэнэйнгээ уялга дүүргэнэ гээшэ. Улаан-Үдэ хотын һунгамалнуудай Зүблэлэй түрүүлэгшэ Чимит Бальжинимаев заншалта ёһоороо буряад хубсаһаяа үмдэжэ, һунгуулиин газарта ерээд, дуугаа үгэһэн байна. Һунгуулиин газарнуудта энэ ажал хэм соогоо үргэлжэлнэ. Адаглагшадай тэмдэглэһээр, бүхы дээрээ һунгалта ехэ амгаланаар, журамтайгаар үнгэржэ байна.
