«Буряад орондо бүтээгдэһэн» гэһэн түсэбэй хэмжээндэ Буряад ТВ субаг «Амраа» гэһэн хизаарламал харюусалгатай бүлгэмдэ айлшаар ошобо. Тус бүлгэм байгуулагдаһаар, 2 жэл болонхой. Энэ хугасаа соо Интернет дэлгүүрһээ ѳѳрын оёдолой цехүүдтэй болотороо, тэдэнэр ехэхэн ажал ябуулаа. Мүнѳѳ сагта энэ бүлгэмэй хоёр цех таhалгаряагүй ажалаа ябуулна бшуу. Бишкек хотодо 20-ёод, Улаан-Үдэдэ 15 хүдэлмэришэд эхэнэрнүүдэй янзын хубсаһа оёжо гаргана. Жэл бүхэндэ худалдан абагшадай тоо олошоржо, эрилтэ ехэтэй болоно гэжэ эндэхид тэмдэглэнэ. Энэл һуурияа алдаагүй ябаха хэрэгтэнь гансал нэгэ нюуса бии ха. Саашадаа эндэхид үйлэдбэриеэ ехэ болгохо, эрэ хүнэй хубсаһа оёжо эхилхэ гэхэ мэтэ зорилгонуудые урдаа табина. Тиихэдэ хожомоо гансашье манай хотынхид бэшэ, мүн лэ бүхы дэлхэйн зон «Амраа» гэһэн тэмдэгтэй хубсаһа үмдѳѳд ябаха байха гэжэ тэдэ этигэнэ бшуу.
