2023 ондо Буряад ороной хүдөө ажахын хүдэлмэрилэгшэд уласайнгаа хүдөө ажахын хүтэлбэриин түрүүшын эмхи зургаанай байгуулагдаһаар, 100 жэлынь тэмдэглэжэ байна. Энэ хугасаа соо тус албан газар хэды дахин хубилгагдаһан байдаг. Мүнөө тэрэ Буряад Уласай Хүдөө ажахын ба эдеэ хоолой яаман болонхой. Тэрэнэй гол зорилгонь болбол, урданайхидаал адли уласайнгаа ажаһуугшадые өөрынгөө үйлэдбэрилһэн һайн шанартай эдеэ хоолоор хангалга.

Энэ олон жэлэй хугасаада Хүдөө ажахын ба эдеэ хоолой яаманиие өөрынгөө ажал хэрэг һайн мэдэхэ, бэрхэ мэргэжэлтэд хүтэлбэрилжэ ябаа һэн. Тэдэ мүн лэ ойн баярай медальнуудаар шагнагдаа.

Хүдөө ажахын үйлэдбэриин 100 жэлэй ой хадаа энэ жэлнүүдэй туршада уласай хүдөө ажахын һалбариин урагшаа дабшаһые, хүгжэһые бүримүһэн харуулна. Уларилай эрхэ байдалай хэды орёошье һаа, хүдөө ажахын үйлэдбэриин ажалшад үндэр дүнгүүдые туйлажа, урдаа шэнэ-шэнэ зорилгонуудые хараална. Заншалта мал ажал, таряа тарилга хүгжэнэ, эдеэ хоолой, болбосоруулгын үйлэдбэринүүдэй ажалай дүнгүүд дээшэлнэ.

В 2023 году аграрии Бурятии отмечают 100-летие со дня образования первого органа управления сельским хозяйством нашей республики.

Ещё больше интересного контента на бурятском языке в нашем Telegram-канале. Подписывайтесь на нас в ВК, Одноклассниках. Следуйте за нами в Дзен!