Энэ хэмжээ ябуулга үнэхөөр түүхэтэ үйлэ хэрэг юм. Һүзэгшэд, эрдэмтэд, гүрэнэй болон ниитын ажал ябуулагшад, мүншье һонирхогшод сугларжа, буддын шажанай асуудалнууд болон үзэл суртал тухай хѳѳрэлдэбэд.

Хуралдаанай дүнгѳѳр буддын шажан шэнжэлхэ эрдэмэй болон һуралсалай уласхоорондын эблэл нээхэ тухай тогтоол баталагдаа, үшөө бултанай хаража байха аргатай буддын шажанай номуудай платформа бэелүүлэгдэхэ юм. Д. Банзаровай нэрэмжэтэ Буряадай гүрэнэй ехэ һургуули, Хальмаг, Тува уласуудай, Дамба-Даржа Заяевай нэрэмжэтэ «Даша Чойнхорлинг» гэһэн буддын шажанай ехэ һургуулинууд болон Агын буддын шажанай академи гэгшэд саашадаа хамтын ажал ябуулха талаар хэлсээ баталаа. Мүн лэ Буряадай гүрэнэй ехэ һургуули Ломоносовой нэрэмжэтэ Москвагай ехэ һургуулитай хамтын ажал ябуулжа байха юм. Һуралсалһаа гадуур, Буряад Уласай Тамирай ба залуушуулай бодолгын яаман, Буряадай ушугай холбоон болон Хитадай Шаолинь һүмын ушугай түлѳѳлэгшэд мүн лэ хэлсээ баталаа. Бүхыдѳѳ энэ үдэрнүүдтэ ехэл үрэ дүнтэй ажал ябуулагдаһан болоно. Саашадаа иимэл уласхоорондын хуралдаа заншалта болгохоор түсэблэгдѳѳ.

Ещё больше интересного контента на бурятском языке в нашем Telegram-канале. Подписывайтесь на нас в ВК, Одноклассниках. Следуйте за нами в Дзен!