Арадай нааданууд ургажа ябаһан үхибүүдые hүбэлгэн, шуран, буряад сэдьхэлтэй, хурса ухаатай болгодог гэжэ мэдээжэ. Yхибүүд бага наhанhаа хойшо элдэб наадануудые хадуужа абаад, саашадаа хани нүхэд боложо, өөhэд хоорондоо наадахадань хэрэгтэй.

Энэ нааданда Хальмагай шадалаа харуулха 8 түлөөлэгшэд ерэжэ,  морин дээрэһээ һур харбалга харуулба.

Мүн  баһа Монгол Ороной түлѳѳлэгшэд заншалта наадануудаараа мүрысэхэеэ ерэжэ, эдэбхитэйгээр хабаадаба.

Бүхыдѳѳ нааданда 6 талмайнууд ажалаа ябуулаа. Эдэнь һур харбалга, барилдаан, һээр шаалган, шагай, шатар, тиихэдэ һая зохёогдоһон баргай наадан. Хабаадагшад талмай бүхэндэ бэеэ туршаха, дүй дүршэлѳѳрѳѳ хубаалсаха аргатай байгаа. Найр наадан Түнхэнэй аймагай Хужар һууринда үнгэрѳѳ. Энэ нютагта наадаяа зохёон байгуулагшад айлшадаа хүндэмүүшэ зохидоор угтажа абаа.