Яруунын аймагай Нарһата һууринда хоёр үдэрэй туршада хүбүүдэй болон басагадай дунда сүлөөтэ барилдаагаар улас түрын мүрысөөн үндэр хэмжээндэ үнгэрбэ. Тус мүрысѳѳн дайшалхы уялгаяа дүүргэжэ ябатараа, баатарай үхэлөөр наһа бараһан Оросой Герой Балта Цыренжаповай мүнхэ дурасхаалда зорюулагдаа.

 Тус мүрысѳѳн Яруунын аймагта сүлөөтэ барилдаа дэлгэрүүлхэ, эдир тамиршадай бэлиг шадабари дээшэлүүлхэ, уласайнгаа аймагуудай хоорондо тамирай холбоонуудые бэхижүүлхэ зорилготойгоор үнгэргэгдэбэ.

Мүрысөөнэй дүнгүүдээр илагшад болон шангай һууринуудые эзэлэгшэдтэ кубогууд, грамотанууд, бэлэг болон медальнууд барюулагдаһан байна. Иигэжэ нютагай хүбүүнэй нэрэ- Оросой Герой Балта Цыренжаповай баатаршалга хэзээдэшье мартагдахагүй, арад зоной сэдьхэлдэ үлэжэ, залуу үетэндэ һайхан жэшээ боложо ябаха юм.