"Алтаргана" хадаа дэлхэйн монгол туургата арадуудай  ехэ наадан. Энэ хэмжээ ябуулга эб нэгэдэлэй, соёл, хэлэ, ёһо заншал сахин хамгаалгын һүлдэ тэмдэг болодог.

 Үбэр-Байгалай хизаарай, Эрхүү можын, Монгол болон Хитадай Шэнэхээнһээ түлөөлэгшэд ерэжэ, ехэ найр наада  эмхидхэхэ талаар соёлой, тамирай, ниигэмэй гол асуудалнуудые зүбшэн хэлсэбэ.

Байгша оной июлиин 1-һээ 5 болотор, тус фестиваль үнгэргэгдэхэ гэжэ һануулнабди. Энэ нааданай хэмжээндэ Буряад орон айлшадаа гурбадахияа угтахань. Эндэ элдэб можо нютагуудһаа, гүрэнүүдһээ 5 000 гаран хүн хабаадахаар  хүлеэгдэнэ. Тус hайндэр хадаа гансашье хотын ажаhуугшадта бэшэ, харин бүхы буряад арад зондо ехэ удха шанартай гэжэ тэмдэглэмээр.