Декабриин 19-дэ «Владимир Путинтай жэлэй дүнгүүд» гэһэн хэмжээ ябуулга үнгэрбэ. Дүрбэ хахад сагай туршада үргэлжэлһэн энэ хэмжээ ябуулга хэдэн зуугаад сэдхүүлшэд болон хэдэн сая харагшадые сэнхир дэлгэсэнүүдэй хажууда суглуулаа.
Хөөрэлдөөнэй үедэ гүрэнэй Юрэнхылэгшэ уласхоорондын болон дотоодын ниигэмэй-эдэй засагай 80 гаран асуудалнуудта харюусажа үрдеэ. Бүхыдөө ажаһуугшадһаа хэдэн сая асуудалнууд ороһон байна. Буряад Уласай ажаһуугшад мүн лэ эдэбхитэйгээр энэ хэмжээ ябуулгада хабаадаа. Тэдэнэй юрэнхылэгшэдэ хандаһан гол асуудалнууд пенси болон олон үхибүүтэй гэр бүлэнүүдтэ ниигэмэй дэмжэлгэ, сэрэгэй тусхай ябуулга, зайн галай хүгжэлтэ гэхэ мэтэ асуудалнуудта хабаатай байгаа.
Буряадай гүрэнэй телерадиокомпаниин, АТВ телесубагай, Информ Полис гэһэн сониной сэдхүүлшэд баһал энэ хэмжээ ябуулгада хабаадажа ерээ. Гэбэшье тэдэ юрэнхылэгшэдэ сэхэ хандажа шадаагүй.
