Буряад Уласай Үндэһэтэнэй номой санда заншалта «Книжный салон» гэһэн түсэл 31-дэхие үнгэрбэ. Фойе соо номой яармаг дэлгэгдээ, номой сангай элдэб танхимуудта үзэсхэлэнгүүд нээгдээ, шэнэ хэблэлнүүдтэй танилсуулганууд үнгэрѳѳ. Тус хэмжээ ябуулгада уран зохёолшод, ирагуу найрагшад, сэдхүүлшэд, хизаар ороноо шэнжэлэгшэд, хэблэгшэд, номой сангай хүдэлмэрилэгшэд олоор сугларба.

«Бэлиг» гэһэн уласай түбые Буряадта томо хэблэгшэдэй нэгэн гэжэ нэрлэмээр. Тэдэ үзэсхэлэндэ мүн лэ олон тоото  хэблэлнүүдээ дэлгээ.
 Жэл бүхэндэ манай уласта 200 гаран номуд хэблэгдэн гарадаг. Ородшье, буряадшье, эвенк хэлэнүүд дээрэ олон бии.

 Байгша ондо « Книжный салон» Үндэһэтэнэй номой сангай 145 жэлэй ойн баярта зорюулагдаба. Нээлгын үедэ соёлой сайд эрхим хүдэлмэрилэгшэдые, һалбариин ветерануудые шагнаа. Тус хэмжээ ябуулга хоёр үдэрэй туршада үнгэрбэ гэжэ һануулнабди.