Үнгэрэгшэ зун соо Хэшэгто Цыбикжапов хамта дээрэ 25 ном уншаһан байна. Тэрэ Сэбээн Жамсараногой нэрэмжэтэ Агын номой сангай үүсхэһэн «Номтой зун — 2026» гэжэ мүрысөөндэ хабаадаа. Дүнгүүдээрынь эгээл эрхим хабаадагшадай тоодо оробо.
Сентябриин эхиндэ Сэбээн Жамсараногой нэрэмжэтэ номой сан һэльбэн шэнэлэгдэһэнэй удаа үүдэеэ сэлижэ, бүришье эршэтэй ажалаа ябуулна. Мүн номой сан - гэр бүлөөрөө сүлөө сагаа үнгэргэхэ түб боложо, уншагшадай һонирхол татана. Энэ удаа шэнэ түлөө түсэб эрхилэнхэй. Эндэ үхибүүд гэртэхинтэеэ суг ном уншаха ёһотой.
Тиигэжэ номой сангай ажалтад ном уншаха дуратайшуулые шэнэ түсэлдэ хабаадахыень урина. 7 һарын туршада бүлөөрөө ном уншаад, тэрээн тухайгаа дурсалгануудаараа хубаалдаха арга байна. Түсэлэй дүнгүүдээр эгээл олон ном уншаһан эрхим бүлэ элирүүлэгдэхэ.
