Хүйтэнэй эхилһээр, уласай дэбисхэртэ хэжэг ханяадан үбшөөр үбдэхэ ушар олошордог. Жэл бүхэн гүрэн дотор, мүншье манай уласта үбшэнтэниие элирүүлхэ хэмжээ ябуулганууд заншалта ёһоор үнгэрнэ. Тэрэ хүнэй бэеын элүүр мэндые шалгаха, үбшыень эхин дээрэнь элирүүлжэ аргалха, элдэб үбшэнһөө һэргылхэ зорилготойгой. Улаан-Үдэ хотын 6-дахи эмнэлгын газарта хэжэг ханяадан үбшэнһѳѳ тарилга хэгдэжэ эхилэнхэй гэжэ эмшэд соносхоно.

 Мүнөөдэр вакцина хотын бүхы поликлиникэнүүдтэ ероо. Түрүүшын бүлэг грипп ба ОРВИ үбшэнүндһээ 182 600 дозо вакцинанууд бүридхөө. Тус тарилга түлбэригүйгѳѳр нэн түрүүн һургуулиин урдахи ба һургуулиин наһанай үхибүүд, хээлитэй эхэнэрнүүд, 60-һаа дээшэ наһанай ажаһуугшад, ужаг үбшэнтэй хүнүүд, мүн зарим мэргэжэлнүүдэй түлөөлэгшэд: эмнэлгын хүдэлмэрилэгшэд, багшанар, худалдаа наймаанай, унаа тээбэриин ба ниигэмэй һалбариин хүдэлмэрилэгшэд. 70 наһатай Дарима Чимитцыреновна бэедээ харюусалгатайгаар хандадаг һэн тула жэл бүхэндэ иимэ тарилга абана.
  Хэжэг ханядан үбшэн агаараар тарадаг гэжэ мэдээжэ. Харин тарилгаһаа гадуур тэрэнһээ бэе гамнаха хэдэн арга бии.

Мүн тиихэдэ бодото шанартай нойр, тэнсүүритэй эдеэ хоол, витаминууд болон сэбэр агаарта сэнгэлгэ хэрэгтэй. Үбшэнэй түрүүшын шэнжэнүүдтэ гэртээ байгты, бэеынгээ муудахада, эмшэниие дуудагты. Эмшэд уласайнгаа ажаһуугшадта бэедээ харюусалгатайгаар хандахые уряална.