Ага тосхоной байгуулагдаһаар 245 жэлэй ойн баярта дашарамдуулагдан ехэ найр үнгэрөө. Тосхомной Агын Буряадай тойрогой түб гээшэ. Эндэ олон эмхи зургаанууд, эрдэм һуралсалай түрүү эмхинүүд, соёлой болон тамирай хэдэн һургуулинууд ажалаа ябуулдаг. Гадна эдэй засагай ба үйлэдбэрииншье талаар хэдэн эмхинүүд эрхим ажаллана.

 Һайндэрэй шугамаар Ага тосхоной түб сэсэрлигтэ шэнэ тамирай талмай нээгдээ. Эндэ зунай сагта үхибүүд велосипедүүдээр, ролигуудаар ябажа, үбэлдөө энэл тамлай мүльһөөр хушагдаад, тамиршад хоккей наадаар һорилго, мүрысөөнүүдые хэхэ. Шэнэ роллердром гүрэнэй «Инфраструктура для жизни» гэһэн тусхай программаар мүнгэн туһаламжа гаргашалагдажа баригдаа. 

Энэл баяр ёһололто үдэр Сэбээн Жамсараногой нэрэмжэтэ номой сан һэльбэн шэнэлэгдэһэнэй удаа үүдэеэ сэлибэ. Хоёр жэлэй туршада заһабарилгын ажалнууд газаа досоохигүй хэгдээ. Оршон үеын эрилтэнүүдтэ хуу таарама. Теэд номой сангай ганса шарайнь хубилаа бэшэ, уншагшадай гэр бүлөөрөө ерэжэ сагаа үнгэргэхэ түб болообди гээд библиотекарьнууд хэлэнэ. Энэнь тон лэ һайшаалтай, мүнөө сагта үхибүүдтэ ном уншаха дура гэртэхин лэ хүмүүжүүлхэ ёһотой гэжэ уран бэшээшэд тэмдэглэнэ. 

Шэнэ тамирай талмай болон номой сангай нээлтын хэрэг ажалша бэрхэ мэргэжэлтэдэй аша габьяагаар лэ бүтээгдөө гэжэ тэмдэглэхэ хэрэгтэй. Тэдэ бүгэдэ баяр ёһололой үедэ урмашуулагдаа.