Орос гүрэн дотор сентябриин 8-да Арадуудай түрэлхи  хэлэнэй үдэр гэжэ нёдондо гүрэнэй Юрэнхылэгшын зарлигаар баталагдаhан юм. Тус хэмжээ ябуулга Д. Банзаровай нэрэмжэтэ Буряадай гүрэнэй ехэ һургуулида үргэн дэлисэтэйгээр анха түрүүшынхиеэ тэмдэглэжэ байна.
 

Буряад Улас дотор буряадуудhаа гадна, эвенк болон hоёд арад үндэhэтэ арадуудай тоодо ородог. Тиимэhээ гурбан арад нэгэдэжэ, айлшад болон оюутадые өөрын соёлтой, наадануудтай танилсуулан, талмайнуудтаа уриба. Орос гүрэн дотор эвенкнүүд аяар арбан нэгэн можо хизаарнуудаар таранхай.

 Ахын тойрогой Сорогой дунда hургуулида hоёд хэлэ дүшэ гаран үхибүүд үзэдэг байна. Гэбэшье Ахын тойрогто  hоёд хэлэ дэлгэрүүлхэ зорилготойгоор сэсэрлигүүд болон hургуулинуудта заажа эхилхэ ажал улас түрын «Бэлиг» түбтэ эхилэнхэй.

 Оросой арадуудай хэлэнэй hайндэртэ гүрэн дотор арад бүхэн өөрын хэлэн дээрэ диктант бэшэбэ. Тиигэжэ иимэ хэмжээ ябуулга жэл бүри заншалта ёhоор сентябриин 8-да үнгэрдэг болохонь.  

 Буряад Уласай элдэб эмхи зургаануудта, гадна hургуули бүхэндэ, тэрэ тоодо Үндэhэтэнэй нэгэдэхи лицей-интернадта һурагшад болон бусад дуратай зон түрэл хэлэн дээрээ диктант бэшэбэ.