Сагаалганаа угтахадаа, шэрээ дээрээ ямар эдеэ табихаб? Ёhо гуримаа сахижа, зүбөөр гунгарбаагаа яажа зохёохоб? Энэ болон бусад асуудалнуудта харюу февралиин 7-до «Сэлэнгэ» гэhэн баяр ёһололой сайлалгын танхимда  олохо аргатайт. Тэндэ хүн бүхэниие Сагаан һарын баярай заншалнуудтай дүтөөр танилсуулха. Үдэрэй туршада буряад монгол угсаатанай найр-наадан болохо Сагаалганай ёhо, наадануудаарнь дүй дүршэлөөрөө андалдаан болохо, мүн лэ буряадай мэдээжэ зүжэгшэд аялга дуу, хатар бүжэгөө дурадхаха байна.