Ерэхэ жэлдэ «Байкал Агро» гэһэн үүлтэртэ малай үзэсхэлэн эмхидхэгдэхэ тухай түсэб табигданхай, тэрээндэ «Буряад Уласай мэдээсэлэй-методологиин түб» бэлдэжэ эхилээ. Тендерэй дүнгөөр, «Замстрой» гэһэн Хизаарламал харюусалгатай бүлгэмтэй хамта үзэсхэлэн дэлгэхэ комплекс тойроод, заһабари хэгдэжэ эхилбэ.

Хүдөө ажахын болон эдеэ хоолой яаманай «Буряад Уласай мэдээсэлэй-методологиин түб» хадаа уласай  үйлэдбэрилэгшэдтэ, хүдөөгэй ажаһуугшадта зүбшэлгын туһаламжа үзүүлхэ, эрхэ мэдэл бэелүүлхэ талаар туһа хүргэжэ байдаг юм. Гэбэшье һонирхолтой хэмжээ ябуулгануудые үнгэргэхэ талаар бусад дурадхалнуудые хаража үзэхөөр бэлэмди гэжэ мэдээсэлэй түбэй хүтэлбэрилэгшэ Эржена Аюрова тэмдэглээ.

«Байкал Агро» гэһэн үзэсхэлэн 2025 оной зун  үнгэргэгдэхөөр түсэблөөтэй.