Һаяхан Гүрэнэй Кремлиин ордондо Бүхэроссиин «Жэлэй гэр бүлэ» гэһэн мүрысөөндэ илагшадые ёһолон тэмдэглэбэ. Орос гүрэнэй эрхим гэр бүлэнүүд табан шэглэлээр илагшадай дипломдо хүртөө. Тэдэнэй тоодо манай улас түлөөлжэ ошоһон Ивановтанай гэр бүлэ «Залуу гэр бүлэ» гэһэн шэглэлээр илажа гараа. Ахын аймагһаа гарбалтай энэ эбтэй эетэй бүлэ бэе бэеэ хайрлажа, бэе бэеэ хүндэлжэ, гамтайгаар хандадаг, олондо ёһотойл жэшээ болоо.

Бүхэроссиин мүрысөөн «Олон хүүгэдтэй бүлэ», «Залуу гэр бүлэ», «Хүдөөгэй гэр бүлэ», «Алтан гэр бүлэ», «Гэр бүлэ - ёһо заншалаа сахигша» гэһэн 5 шэглэлээр үнгэргэгдөө. Тэрэниие Оросой Холбоото Уласай Ажалай болон ниигэмэй хамгаалгын яаман эмхидхээ.  Тус мүрысөөндэ 11 мянганһаа дээшэ гэр бүлэнүүд хабаадаа. Дүнгүүд согсологдожо бүхыдөө 88 гэр бүлэ илажа гараа. «Ивановтанай олон үхибүүдтэй гэр бүлэ мүнөө үеын залуу гэр бүлын гайхамшагта жэшээ боложо, эбтэй эетэй харилсаа байгуулжа, үхибүүдынь инаг дуранай, бэе бэеэ ойлголсохо оршондо үндыһэн юм» - гэжэ Буряад Уласай хүн зониие ниигэмэй талаар хамгаалгын яаманай мэргэжэлтэд тэмдэглэнэ.