Улаан-Үдэ хото мүнөөдэр уласхоорондын аяншалгын түб боложо, Орос, Хитад, Монгол оронуудай түлөөлэгшэдые суглуулба. Түрүүлэн хэлэхэдэ, аяншалга хадаа Буряад ороной эдэй засагай ажаллаха гол һалбаринуудай нэгэн болоно. Шэнэ түсэлнүүдые бэелүүлхэ, шэнэ хэлсээнүүдые баталха, гүрэнүүдэй хоорондо аяншалга хүгжөөхэ талаар сэхэ харилсаа байгуулха зорилготойгоор. “Сайн ехэ зам” гэһэн түслэй ёһоор гурбан гүрэнэй аяншалгын захиргаануудай хүтэлбэрилэгшэд уулзаба. Буряадай газар дээгүүр Сайн ехэ зам гарадаг байһан гээшэ.
Аяншалгын талаар хамтын брендүүдые байгуулха, тэдэниие эрдэм ухаан, техникэ, тамир болон бусад һалбаринуудтай нэгэдүүлхэ, аяншалгын асуудалнуудаар гурбан талаһаа хамтын ажалай аргануудые боломжонуудые һайжаруулха тухай хэлсэбэ.
Гурбан гүрэнүүдэй түлѳѳлэгшэдэй тэмдэглэһээр, аяншалга хүгжөөхэ ба энэ талаар хамтын ажал ябуулга гээшэ эдэй засагай болон ниигэмэй хүгжэлтые урагшань ябуулха тааруу арга болоно, мүн гүрэнүүдэй хоорондохи аяншалгын хэмжээ дээшэлүүлхэ аргатай гээд тэмдэглээ.
