Буряад Уласай Толгойлогшо Алексей Цыденов октябриин 29-дэ Монголой соёлой, тамирай, аяншалгын болон залуушуулай яаманай гүрэнэй секретарь Адиясурэн Даваажаргалтай уулзаба. Соёлой, тамирай болон аяншалгын һалбаринуудта хоёр гүрэнэй можо нютагуудай хоорондын харилсаха талаар асуудалнууд зүбшэн хэлсэлгын гол сэдэб болоо һэн.
Өөрынгөө талаһаа, Буряад Улас аяншалгын шэнэ замуудые, түлөө түсэбүүдые дурадхана, тэдэнь гансашье Монгол ба Орос гүрэнэй ажаһуугшадта бэшэ, харин бусадшье гүрэнүүдэй дунда мэдээжэ болохо гэжэ найдана.
Соёлой холбоо бэхижүүлхэ, соёлой баялигуудые сахиха талаар дүй дүршэлөөрөө андалдаха шухала гэжэ уулзагшад онсолон тэмдэглэбэ. Тиин, Буряад Улас айлшадтаа һонирхолтой соёлой программа бэлдэһэн байна.
Уулзалгын түгэсхэлдэ хүндэтэй айлшадта бэлэгүүд барюулагдаа. Бэелүүлжэ байһан хамтын ажалнай Буряад Улас, Монгол хоёрой хоорондохи эб найрамдал, холбоо харилсаа улам бэхижүүлхэ гэжэ хабаадагшад этигэл найдабарияа мэдүүлээ.
