Буряад хэлэнэй һарада дашарамдуулһан, “Бэлэн хэлэн” нааданай чемпионат 2-дохиёо хотодомной үнгэрбэ. Энэ наадан анхан миин самбар дээрэ зохёогдодог байгаа. Мүнөө үргэн хэмжээнэй чемпионат байгуулагдажа, олон зон буряад хэлэеэ шудалжа эхилээ. Үнэхөөрөөшье арадай наадан болонхой гэхэдэ алдуу бэшэ гэжэ Чингисма Мункуева хэлэнэ. Тэрэ түрүүшынхиеэ нааданда хабаадаба.
Энэ наада Цыцыгма Раднаева нүхэртэеэ зохёон бүтээһэн гээд һануулая. Нэн түрүүн үхибүүдые түрэл хэлэндээ һургаха зорилготой байгаа. Теэд энэ нааданиинь наһанай элдэб хэмжээнэй зондо таараа. Оршон үедэ багашуульше, ехэшүүлшье “Бэлэн хэлэ” наадажа, бүлэнүүдэй нангин заншалнуудай нэгэн болоно.
Хотын һурагшад болон оюутад Исай Калашниковай нэрэмжэтэ номой һанда сугларжа, буряад хэлэнэйнгээ мэдэсэ шалгаба. Энэ чемпионат хабаадагшадта түрэл хэлэеэ үзэхэ, шудалха хэрэгтэнь туһатай, бэлэн болгоно.
“Бэлэн хэлэн” наадаар чемпионадай дүнгөөр түрүү һуури Чайковскын нэрэмжэтэ урлалай колледжын оюутан Дашима Жамбалова эзэлээ. Мүн энэ наада арадай шэнэ наадануудай тоодо оруулжа, бүри үргэнөөр дэлгэрүүлхэ зорилго эмхидхэгшэд урдаа табиба.
