Хоца Намсараевай нэрэмжэтэ Буряад театрта шэнэ зүжэгэй түрүүшын харалган болохо. Дмитрий Даниловай мүнөө үеын зүжэг дээрэ үндэһэлэн,   буряад үгэнүүдээр амталһан, үндэһэн маягтай Баир Дышеновэй найруулһан «Серёжын гурбан тэнэг» гэһэн бүтээл дурадхагдахань.

Театрай бүтээл бүхэн хүнэй ажабайдал элдэб талаһаань харуулдаг, өөрын онсо аргаар хөөрэдэг гээшэ ааб даа. Шэнэ зүжэг театрай эртын репертуарнуудта адли бэшэ гээд хабаадагша артистнууд тэмдэглэнэ.

Тус зүжэг октябриин 26,27-ой үдэрнүүдтэ үдэшын 5 сагһаа Хоца Намсараевай нэрэмжэтэ Буряад театрта хараха, танилсаха аргатайт. Биледүүдые театрай сайт дээрэ абахада болохо.