Эдэ үдэрнүүдтэ Улаан-Үдэ хото дээрэ Россиин Герой, Россиин габьяата лётчик Тайгиб Омарович Толбоевай дурасхаалда зорюулһан боксоор можохоорондын XIV мүрысөөн үнгэржэ байна. Эндэ Эрхуу можоһоо, Үбэр-Байгаалай хизаарһаа, Саха Яхадһаа  200 гаран эдир тамиршад суглараа.

 Тайгиб Омарович Толбоев 1955 ондо Дагестан уласта түрэһэн намтартай. 1978 ондо Ейскын Дээдэ Сэрэгэй Авиациин һургуули һуража дүүргээ. Летчигоор туршалгын ажал хэжэ, 35 элдэб янзын самоледуудые ниидүүлжэ шалгаһан гаьбяатай. Тайгиб Омаровичай нэрэ мүнхэлһэн боксоор мүрысөөн ерэхэ жэл 15-дахияа эмхидхэгдэхэ. Эдэ жэлнүүд соо турнирэй дэбисхэр дээрэ олон тоото дүй дүршэлтэй тамиршад урган гараа гэжэ айлшад, һоригшод тэмдэглэнэ. Мүрысөөон октябриин 26 түгэсхэ юм.