Улаан-Үдэ хотодо эдир уран зураашадай үзэсхэлэн дэлгэгдэбэ. 14-тэй Кирилл бага байхаһаа хойшо гараараа элдэб юумэ урлаха дуратай. «7 наһатай байхадамни, гэртэхимни намда эгээ түрүүшынхиеэ пластилин абажа үгэһыень мартадаггүйб», – гэжэ хүбүүн хубаалдаба.

16 наһатай Данила архитектор болохо хүсэлтэй. Тэрэ 6 жэл соо урлалай һургуулида ябажа, элдэб мүрысөөнүүдтэ эдэбхитэйгээр хабаададаг. Мүнөө ажалнуудаа зоной һонорто дэлгээгээд байһандаа, тэрэ  ехэл баяртай.

Энэ үзэсхэлэн хадаа залуу бэлигтэниие дэмжэхэ хэрэгтэ ехэ арга боломжо боложо үгөө. Энэ хоёр хүбүүд хоюулаа Хүүгэдэй урлалай һургуулида хэдэн жэлдэ суг ябана. Тэдэнэй дурадхаһан ажалнууд тон гүнзэгы удхатай, оролдожо бүтээгдэнхэй.

Тус үзэсхэлэн Буряад Уласай Соёлой яаманай дэмжэлгээр бэелүүлэгдэнэ. Үзэсхэлэнтэй «Залуу» түбтэ танилсаха арга бии.