Буряад ТВ субаг Буряад Уласай залуушуулай түбтэй суг хамта «Бүлэ батл» гэһэн шэнэ дамжуулга дээрэ хүдэлжэ эхилбэ. Буряад арадай ёһо заншал, соёл, үндэһэн наадануудые болон түүхэ хабаадагшад хэр зэргэ мэдэнэб гэжэ эндэ шалгагдаха.
Бүхыдѳѳ эндэ буряад, ород болон холимол 6 гэр бүлэ хабаадана. Бүлэ бүхэниинь энэ түсэлдэ хаба шадалаа туршаха, шэнэ юумэ мэдэхэ болоно. Гадна залуу гэр бүлынхидэй хоорондохи харилсаан, инаг дуранай хүсэн бүхэжүүлэгдэхэ гэһэн шухала зорилготой.
Бэелүүлэгдэжэ байһан түсэлнай Орос гүрэн дотор соносхогдоһон Гэр бүлын жэлдэ дашарамдуулагдана. Гол түлэб эндэ буряадай ёһо заншал олондо дамжуулха, үхибүүдые хүмүүжүүлгэдэ сэнтэй һургаалнууд, зүбшэлнүүдтэй гүнзэгыгөөр танилсуулха, ажабайдалаа зүбөөр зохёохо гэхэ мэтэ уялгануудтай болоно.
«Бүлэ батл» гэһэн дамжуулга харагшаднай октябриин 21-һээ Буряад ТВ субагай агаарай долгиндо хараха аргатай. Гадна субагай болон Буряад Уласай залуушуулай түбэй сүлжээ холбоонуудта орожо, түсэлэй ябасые адаглажа байхыетнай уринабди.
