Августын 15-да Сампиловай нэрэмжэтэ уран һайханай музейдэ “Алас Дурна” гэһэн үзэсхэлэнэй нээлгэ үнгэрөө. Үзэсхэлэнэй нээлгын үдэртэ Буряадай уран зураашадта шагналнууд барюулагдаһан байна. Оросой уран һайханай академиин мүнгэн медаль Зорикто Доржиевта барюулагдаа, мүн лэ уласай 100 жэлэй медальда Баир Тайсаев хүртэбэ. Үшөө тиихэдэ Буряадай оперо болон баледэй театрай “Бальжан Хатан” гэһэн рок-мюзиклда ажаллаһанай түлөө Оросой уран һайханай академиин үзэсхэлэндэ шалгарһанай үнэмшэлгэ Чимита Зундуева, Сэсэг Дондокова хоёрто барюулагдаа. «Буряад Уласай 100 жэлдэ болон Буряадай Уран зураашадай холбооной 90 жэлэй ойн баярта зорюулагдажа, энэ ехэ хэмжээ ябуулга үнгэргэгдэхэ гэжэ шиидхэбэри абтаһан байгаа»,– гэжэ Оросой Уран зураашадай холбооной Түрүүлэгшэ Андрей Ковальчук тэмдэглээ һэн. “Алас Дурна” гэһэн үзэсхэлэн октябриин 15 болотор үргэлжэлхэ. Һүүлээрнь Оросой Уран зураашадай холбоон энэ үзэсхэлэндэ хабаатай зурагуудаа худалдажа, буян үйлэдүүлгын ажал ябуулха юм. Сугларhан мүнгэеэ тэдэнэр сэрэгэй тусхай ябуулгада хабаадагшадта туһа болгон эльгээхэ байна.
15 сентября в Художественном музее имени Сампилова в Улан-Удэ открыли XIII региональную художественную выставку «Дальний Восток».
Ещё больше интересного контента на бурятском языке в нашем Telegram-канале. Подписывайтесь на нас в ВК, Одноклассниках. Следуйте за нами в Дзен!
