Буряад ороноймнай сүлөөтэ барилдаагаар дэлхэйн түрүүшын абаргатай болоһоор, 35 жэл үнгэрбэ. Энэ хугасаа соо Буряадай нэгэшье тамиршан Борис Будаевай амжалтада хүрөөдүй. Байгша ондо суута тамиршанай заншалта мүрысөөн хоёр үдэрэй туршада зорюулагдахаар түсэблэгдэнэ: Борис Дугдановичай дэлхэйн абарга болоһоор, 35 жэлдэ, тамиршанай нүхэр, 30 жэлэй туршада энэ мүрысөөнэй гаргаша даажа байһан Вадим Бреднийн 60 жэлэй ойн баярта.
Сүлөөтэ барилдаагаар уласхоорондын 32-дохи мүрысөөн 21 наһа хүрэтэр эдиршүүлэй дунда үнгэрхэ. Тус мүрысөөндэ Монгол, Казахстан, Кыргызстан оронуудай болон Оросой можо нютагуудай эгээл шанга барилдаашад сугларха. Гадна Буряад Уласай суглуулагдамал бүлэгые арбан шэгнүүрэй хэмжээндэ 70-аад тамиршад түлөөлхэ байна. Сентябриин 20-21-эй үдэрнүүдтэ Бэеын соёлой болон тамирай байшан руу ерэжэ, барилдаа харахада болохо.
