Байгша ондо Буряадай улас түрын багшанарай колледж 100 жэлэйнгээ ойн баяр үргэн дэлисэтэйгээр тэмдэглэжэ байна. Үсэгэлдэр, сентябриин 18-да, баяр ёһололой үдэшэ үнгэрөө. Мүнөөдэр, сентябриин 19-дэ, эндэ дунда мэргэжэлэй багшанарай Бүхэроссиин зүблөөн үнгэрбэ.
Энэ зүблөөндэ Орос Уласай 20-ёод можо нютагуудһаа багшанарай колледжнуудай түлөөлэгшэд ерээ. Тэдэнэй тоодо Свердловско можын багшанарай колледжын захирал Татьяна Симонова.
Зүблөөнэй хэмжээндэ сугларагшадай анхаралда 7 элидхэлнүүд дурадхагдаһан байна. Нэрлэбэл, 29-дэхи Буряад гимназиин захирал Баир Дониров буряад хэлэн тус һуралсалай эмхидэ яажа заагдадаг бэ гэһэн элидхэл бэлдэһэн байна.
Буряадай багшанарай колледжын 100 жэлэй баяр ёһололой хэмжээ ябуулганууд байгша ондо үргэлжэлхэ, тэрэ тоодо үзэсхэлэн, мастер-класс болон эрдэмэй хуралдаанууд эмхидхэгдэхэ. Тус һуралсалай эмхиин ажал Буряадай, мүн Орос Уласай болбосоролой хүгжэлтэдэ ехэ удха шанартай гэхэдэ, алдуу болохогүй.
