Эрэ хүн гэрэй, эхэнэр хүн гал гуламтын эзэн гэжэ мэдээжэ. Угсаата арадайнгаа, элинсэгүүдэйнгээ сахижа байдаг ёһо заншал, гуримые ажабайдалдаа хэрэглэжэ, үхибүүдтээ дамжуулдаг эрхим бүлэнүүд заншалта болоһон «Дүрбэн бэрхэ» нааданда түрүү һууриин түлөө тэмсэбэ.
Сэргын удха, янза, ёһо тухай эсэгэнь хүбүүдтээ хөөрэн ойлгуулха, хазаар ногто зайдаха, һэеы гэр бодхоохо гэһэн нааданай шатануудта гэрэй эзэд хүбүүдээрээ хабаадаа.
Сайнгаа дээжэһээ зүбөөр үргэхэ, далгын табаг бүлэдөө хайшан гэжэ бэлдэдэгээ харуулха, дэлһээр, үхэрэй һүүлээр хабидаа томохо гэһэн нааданай шатануудта бүлэ бүхэнэй эхэнэрнүүд басагад, бэреэдээрээ хабаадажа харуулаа.
Сайнгаа дээжэһээ зүбөөр үргэхэ, далгын табаг бүлэдөө хайшан гэжэ бэлдэдэгээ харуулха, дэлһээр, үхэрэй һүүлээр хабидаа томохо гэһэн нааданай шатануудта бүлэ бүхэнэй эхэнэрнүүд басагад, бэреэдээрээ хабаадажа харуулаа.
Угсаата Буряадай айл бүлэнүүдэй «Дүрбэн бэрхэ» наадан саг үргэлжэ Буряад ФМ радиодо эмхидхэгдэжэ байдаг, тэдэнэр намарай һайхан сагта жэлэй нэгэл дахин Ивалгын дасанай дэбисхэртэ хабаадагшадаа угтан абадаг заншалтай болонхой.
Нааданай дүнгүүдээр Ахын аймагай Манхановтанай бүлэ түрүү һуурида гаража, зуун мянган түхэригэй шанда хүртэбэ. Хоёрдохи һуурида гараһан Эрхүү можын Оһын аймагай Хамгушкеевтанай бүлэ наян мянган түхэригтэ, гурбадахи һуурида гараһан Сэлэнгын аймагай Болхоевтанай бүлэ жара мянган түхэриг шанда хүртөө. «Дүрбэн бэрхэ» нааданда бүхы дээрээ Эхэ Буряадай нютаг голнуудһаа отог угуудаа үргэн ябаһан зургаан эрхим айл бүлэнүүд хабаадаба.
