Гвардиин лейтенант Гомбо Базаров Загарайн аймагай Эрхирэг нютаг тоонтотой. Тэрэ 2015 онһоо алба хэжэ эхилһэн. Сэрэгэй тусхай ябуулгын эхилхэдэ, тэрэ түрүүшүүлэй тоодо Эхэ ороноо хамгаалхаяа ошоһон байна. Дурасхаалай самбар нээлгын баяр ёһололдо түрэлхид, нүхэд, нютагаархид болон бусад зон сугларжа, баатар хүбүүгээ дулаан үгэнүүдээр һанан дурсаа.
Байлдаанай үедэ, 2023 оной февраль һарада Гомбо Базаров хүндөөр шархатаад, «Дайшалхы габьяагай түлөө» медаляар шагнагдаһан. Эмнэлгэ хүүлэһэнэйнгээ удаа тэрэ баруулжаа бусаһан байна. 2023 оной июнь һарада батальон дайсанай дээдэ сэрэгүүдтэй тулалдаанда орожо, сэрэгэй машина, гадна 10 гаран дайсаниие үгы хэһэн байна. Баатаршалга, эрэлхэг зориг гаргаһанай түлөө Гомбо Базаров Шэн зоригой түлөө орденоор шагнагдаа бэлэй.
Сентябриин 30-да тулалдаанай үедэ тагнуулай бүлэгэй бүридэлдэ сэрэгшэ буудагдажа байһан газарта орожо, баатарай үхэлөөр унаа. Наһа бараһанайнь удаа тэрэниие хоёрдохиёо Шэн зоригой түлөө орденоор шагнаһан юм.
Гомбо Базаров гэр бүлынгөө, нүхэдэйнгөө, нютагаархидайнгаа зүрхэ сэдьхэлдэ хэтын хэтэдэ үнэн сэхэ, ёһотой баатар, Эхэ ороноо хамгаалагша зандаа үлэхэ.
