Оюутан хаһын жэлнүүд гансал һуралсалһаа бүридэнэгүй. Юрын хэшээлнүүдһээ гадна, дээдэ һургуулиин оюутадай нэмэлтэ хэмжээ ябуулгануудта хабаадажа байхада, үлүү бэшэнь мэдээжэ. Тэрээндэ өөрыгөө бэелүүлхэнь юундэ шухалаб? Энээн тухай Буряадай гүрэнэй ехэ һургуулиин ниитын эмхинүүдэй хүтэлбэрилэгшэд нэгэдэхи курсын оюутадтай Олониитын дэмжэлгын штабта уулзалгада хөөрэжэ үгэбэ.

 «Я горжусь» гэһэн патриотическа клуб Оюутадай өөһэдөө хүтэлбэрилхэ холбоон хоёр Буряадай гүрэнэй ехэ һургуулиин шухала эмхинүүд болоно. Тэдэ олон һонирхолтой хэмжээ ябуулгануудые үнгэргэнэ, ехэ түсэлнүүдые үүсхэнэ, эмхидхэхэ гү, али хабаадагша болохо арга боломжо болоно,  хотын залуушуулай бодолгын талаар дурадхалнуудыешье оруулна, мүн бэелүүлнэшье. 

Жэшээнь, оюутадай өөһэдөө хүтэлбэрилхэ холбоон 1-дэхи курсын бэлигтэйшүүлэй «Первый снег» фестиваль,  «Мисс и Мистер университет», "Международная школа студенческого актива", "Вечер бардовской песни", "Дебаты БГУ" гэһэн янзын хэмжээ ябуулгануудые үнгэргэдэг. 

 Хэшээлһээ гадуурхи түсэлнүүд һурагшадта шухала шадабаринуудые дээшэлүүлхэ арга олгоно, эдэ юуд бэ гэбэл, эмхитэй байлга, харилсаха шадабари, шиидхэбэри абаха, командаар хүдэлхэ, гэбэшье зохёохы ухаан бодол хүгжөөнэ. Оюутан хаһын жэлнүүд ганса һайнаар һураха, бата бэхи мэдэсэтэй байха бэшэ, харин ажабайдалай эгээл һайхан сагта һурагшадые өөрыгөө ойлгохо, олон танилнуудтай болоходонь туһална.